İnvestisiya nədir?

İnvestisiya – gələcəkdə gəlir əldə etmək məqsədilə mövcud pulun və ya resursların müəyyən bir alətə yatırılmasıdır. Sadə dildə desək, bu gün qazandığın pulun bir hissəsini gələcəkdə daha çox qazanmaq üçün işlətməkdir.
İnvestisiyanın əsas məqsədi yalnız gəlir götürmək deyil, həm də sərvətini inflyasiyadan və bazar risklərindən qorumaqdır. Zamanla inflyasiya pulun alıcılıq gücünü azaldır, investisiya isə bu dəyər itkisinin qarşısını alan müdafiə mexanizmidir.
 

İnvestisiyanın əhəmiyyəti – Niyə investisiya etməlisən?

Pulunu sadəcə saxlayıb artırmaq üçün addım atmadıqda, zamanla onun real dəyəri azalır. İnvestisiya edərək:

• Pulunu inflyasiyadan qoruyursan,
• Uzunmüddətli passiv gəlir mənbəyi yaradırsan,
• Maliyyə müstəqilliyinə və təhlükəsizliyinə bir addım da yaxınlaşırsan.

Investisiyanın əsas növləri

• Real investisiya: Əmlak, torpaq və ya avadanlıq kimi fiziki aktivlərə edilən yatırımlardır.
• Maliyyə investisiyası: Pulun səhmlərə, istiqrazlara, fondlara və depozitlərə yatırılmasıdır. Yelo App vasitəsilə qlobal və yerli bazarlara çıxış əldə etmək məhz bu kateqoriyaya aiddir.
• Qısamüddətli və uzunmüddətli investisiyalar: Məqsəddən asılı olaraq 1 ildən az (sürətli gəlir) və ya 5–10 illik (sabit böyümə) planlanan sərmayələrdir.

İnvestisiya vasitələri – Harada investisiya etmək olar?

• Səhmlər: Nəhəng şirkətlərin payçısı olmaqla onların böyüməsindən və dividentlərdən gəlir əldə etmə üsuludur.
• İstiqrazlar: Müəyyən müddət sonra əsas məbləğlə birlikdə zəmanətli faiz gəliri gətirən borc sənədidir.
• İnvestisiya fondları (ETF): Müxtəlif aktivləri bir yerə toplayaraq riski bölüşdürməyə və az məbləğlə böyük bazarlara girməyə imkan verir.
• Depozitlər və Daşınmaz əmlak: Ənənəvi və aşağı riskli yatırım alətləridir.

İnvestisiya riskləri və onların idarə olunması

Hər bir investisiyada qazanc olduğu kimi risk də var. Riskləri minimuma endirmək üçün:

• İnvestisiyanı çeşidləndir: Bütün kapitalla tək bir alət alma, portfelini fərqli aktivlərə böl.
• Təhlil et: Duyğularla deyil, bazar analitikasına və dəqiq rəqəmlərə əsaslanaraq qərar ver.
• Etibarlı tərəfdaş seç: Əməliyyatlarını təhlükəsiz və şəffaf platformalar vasitəsilə həyata keçir

İnvestisiyaya başlayarkən nələrə diqqət etməlisən?

• Məqsədini müəyyən et: Hansı müddətə və nə üçün yatırım etdiyini bil (ev, təhsil, təqaüd  və ya passiv gəlir).
• Risk profilini anla: Sənə uyğun olan gəlir və risk balansını seç.
• Yelo ilə addım at: Yelo App vasitəsilə investisiya hesabını anında açaraq ABŞ və yerli bazarlarda ilk yatırımını rahatlıqla et.