İpoteka Kalkulyatoru

Tələb olunan sənədlərin siyahısı:

1.    Borcalanın (yaxud borcalanların) şəxsiyyətini təsdiq edən sənəd və onun surəti;
2.    Nikah (yaxud nikahın pozulması) haqqında şəhadətnamə və həmin sənədin surəti;
3.    Borcalanın (yaxud borcalanların) yetkinlik yaşına çatmamış ailə üzvlərinin hər birinin şəxsiyyət vəsiqələri və ya doğum haqqında şəhadətnamələri, eləcə də həmin sənədlərin surətləri;
4.    Borcalanın (borcalanların) iş yerini və həmçinin gəlirlərini təsdiq edən digər sənədlər;
5.    İpoteka krediti alan şəxsin güzəştli kateqoriyaya aid olduğunu təsdiq edən sənəd (əgər həmin şəxs güzəştli kateqoriyaya aiddirsə).

Borcalan (yaxud borcalanlar) fərdi sahibkarlar olduğu zaman:
6.    Sahibkarın dövlət vergi orqanlarında qeydiyyatdan keçmiş olduğu şəhadətnamənin surəti;
7.    Dövlət vergi orqanları tərəfindən qəbul olunmuş gəlir vergisi və ya sadələşdirilmiş vergi bəyannaməsi.
 

Təklif olunan güzəştlərdən hansı şəxslərin istifadə etmək hüququ var:

Gənc ailənin üzvü olan aşağıdakı göstərilən şəxslər:

• Şəhid ailələrinin üzvü (əri/arvadı, övladları);
• Milli Qəhrəman (özü, əri/arvadı, övladları);
• Məcburi köçkünlər və ya ona bərabər tutulan şəxslər;
• Ən azı 3 il olmaqla dövlət qulluğunda qulluq etmiş, o cümlədən dövlət qulluğunun xüsusi növündə xidmət keçmiş şəxslər;
• Ən azı 3 il olmaqla dövlət ümumtəhsil müəssisələrində müəllim işləyən şəxslər;
• Fəlsəfə doktoru elmi dərəcəsi olan şəxs;
• İdman sahəsində xüsusi xidmətləri olmuş şəxslər (eləcə də. fəxri bədən tərbiyəsi və idman xadimi, ölkə miqyaslı yarışların qalibləri (I yer), beynəlxalq miqyaslı yarışların mükafatçıları (I, II və ya III yer).
• Elmlər doktoru elmi dərəcəsi olan şəxs;
• Ən azı 15 il dövlət qulluğunda qulluq etmiş şəxslər, o cümlədən dövlət qulluğunun xüsusi növündə xidmət keçmış şəxslər;
• Ən az 3 il hərbi xidmətdə olmuş (müddətli həqiqi hərbi xidmətdə olan hərbi qulluqçulara şamil edilmir), həmçinin ehtiyata və eləcə də istefaya buraxılmış Azərbaycan Respublikasının hərbi qulluqçuları (“Hərbi vəzifə və hərbi xidmət haqqında” Azərbaycan Respublikası Qanununun 41.0.6-cı, 41.0.7-ci, 41.0.8-ci, 41.0.10-cu, 42.0.3-cü, 42.0.4-cü və 42.0.5-ci maddələrində nəzərdə tutulan hallarda ehtiyata və ya istefaya buraxılmış hərbi qulluqçulara şamil edilmir);
• Ən azı 3 il müddətində daxili işlər orqanlarında xidmət keçən, xüsusi rütbəsi olan şəxslər;
• Ən azı 3 il müddətində elmi vəzifədə işləyən elmi işçilər;
• Ən azı 15 il müdətində dövlət ümumi təhsil müəssisəsində müəllim işləyən şəxslər.

Qeyd: Güzəştli ipoteka kreditindən istifadə etmək hüququna məxsus olan ailə və ya şəxs bu hüquqdan yalnız bir dəfə istifadə edə bilər.